Senegal yapigwa faini kufuatia vurugu za uwanjani katika mchezo wao dhidi ya Ivory Coast.

 Pia shirikisho la soka la Senegal (FSF) limepigwa faini ya dolari za kimarekani za US$100,000 kufuatia vurugu za mashabiki zilizo tokea katika mchezo wa kuwania kufuzu fainali za mataifa ya Afrika 2013 dhidi ya Ivory Coast.

Shirikisho la soka barani Afrika limeufungia uwanja wa soka wa Senegal ulioko katika jiji la Dakar , Leopold Sedar Senghor kwa matumizi ya michezo ya kimataifa katika kipindi cha mwaka mmoja kutokana na ghasia zilizo chomoza mwezi October.
 

Simba hao wa Teranga sasa watalazimika kusaka uwanja mwingine katika michezo yake ya kampeni kuwania kucheza kombe la dunia dhidi ya Angola na Uganda.

Senegal ilipoteza matumaini na kupeteza sifa ya kufuzu baada ya mashabiki wake kuanza vurugu za kurusha mawe na kuwasha moto uwanjani kunako dakika ya 76 wakati huo wakiwa nyuma kwa ushindi wa jumla wa mabao 6-2.