Taifa stars yawasili salama maputo

Taifa Stars imewasili Maputo saa 5 asubuhi kwa saa  za maputo tayari kwa mechi dhidi ya Msumbiji (The Mambas) na kupokewa Uwanja wa Ndege wa Kimataifa wa Maputo na Balozi wa Tanzania nchini Msumbiji, Balozi Nyandugu.

Stars yenye kikosi cha wachezaji 20 chini ya Kocha Mkuu Kim Poulsen imefikia Hotel 2010 LDA iliyoko karibu na Uwanja wa Taifa Zimpeto ambapo mechi hiyo itachezwa Jumapili kuanzia saa 9 kamili kwa saa za Mozambique hapa ambapo Tanzania itakuwa saa 10 kamili.

Kwa mujibu wa programu ya Kocha Kim, timu itafanya mazoezi leo na kesho katika muda ule ule wa mechi ya Jumapili ambayo itachezeshwa na waamuzi kutoka Madagascar. Mpaka timu inawasili hapa hakuna mchezaji yeyote mwenye matatizo ambayo yanaweza kusababisha asicheze mechi ya Jumapili.

Kikosi cha Stars kinawachezaji
Goalkeepers: Juma Kaseja, Deogratius Munisi.
Defenders: Amir Maftah, Shomari Kapombe, Kelvin Yondani, Juma Nyoso, Erasto Nyoni, Waziri Salum, Aggrey Morris.

Midfielders: Mwinyi Kazimoto, Edward Christopher, Jonas Mkude, Ramadhan Singano, Salum Abubakari, Mrisho Ngassa, Nurdin Bakari, Shaaban Nditi, Frank Dumayo.
Strikers: Mbwana Samatta, Thomas Ulimwengu, Haruna Moshi, John Bocco, Simon Msuva.