SARA , KAMPIRA , GAO NA SHABANI KATWILA WAONDOLEWA KUGOMBEA UONGOZI YANGA.

Kamati ya uchaguzi ya Shirikisho la Soka Tanzania-TFF-limewaengua wagombea Wanne katika uchaguzi wa Klabu ya Yanga uliopangwa kufanyika Julai 15 mwaka huu katika Ukumbi wa Diamond Jubilee Jijini Dar es salaam.

Kikao cha kamati ya uchaguzi kilicho anza jana na kumalizika hii leo kilikuwa kikiongozwa na mwenyekiti wake Deo Lyato

Walioenguliwa ni Mgombea wa nafasi ya Mwenyekiti SARA RAMADHAN na wagombea watatu wa nafasi ya Ujumbe wa Kamati ya Utendaji ambao ni RAMADHAN KAMPIRA, AHMED WAZIRI GAO na SHABANKATWILA.

Katibu wa Kamati ya Uchaguzi ya Yanga FRANCIS KASWAHILI ameiambia ROCKERSPORTS kuwa wagombea hao wameenguliwa kutokana na kutowasilisha vyeti vyao halisi kama walivyotakiwa na Kamati ya uchaguzi ya TFF mapema wiki hii.    

Mgombea wa ujumbe katika Uchaguzi huo AHMED BIN KLEB amewaomba wanachama wamchague ili Klabu hiyo iendelea kuwa na mafanikio hususani katika suala la usajili.

Kwa kushirikiana na viongozi wa kamati ya usajili amesema wamefanya usajili wa wachezaji Nyota ambao ni tegemeo katika timu hiyo na kufurahia ujio wa Kocha TOM SAINTFIET ambaye ameingia mkataba wa miaka miwili kuifundisha Klabu hiyo.

Kwa upande wake GEORGE MANYAMA ambaye pia ni Mgombea wa Nafasi ya Ujumbe amewataka wanachama kumpa nafasi hiyo ili aweze kujenga msingi wa kimaendeleo na kupata wadhamini zaidi watakaoisaidia Klabu hiyo ya Yanga.