Di Matteo anaumizwa na Cole na barani Afrika Bunge Afrika kusini laidhinisha fungu la fainali za mataifa ya Afrika na uwanja wa Mbombelwa nchini Afrika kusini kuongeza watazamaji kwenye fainali.

Di Matteo: Bado namtaka Ashley Cole asaliye Chelsea.

Meneja wa Chelsea Roberto Di Matteo anataka mlinzi  wake wa kushoto Ashley Cole kusaini mkataba mpya na kusalia darajani wakati huu ambapo kumekuwepo na taarifa kuwa Real Madrid na Paris Saint-Germain zimekuwa zikimkodolea macho.

Mlinzi huyo wa kushoto anatarajia kumaliza mkataba wake na 'The Blues' wakati wa kipindi cha majira ya kiangazi, lakini akiwa bado ni miongoni mwa wachezaji walio katika mpango wa sera za mmiliki wa klabu hiyo Roman Abramovich wa kuongezewa mkataba, mpango ambao ni wa nyongeza ya mkataba wa mwaka mmoja kwa wachezaji wenye umri zaidi ya miaka 30.

Taarifa zinasema kuwa mpango huo ni wa kisera ambao ulimuondosha mshambuliaji wa Tembo wa Ivory Coast Dider Drogba mwishoni mwa msimu uliopita.

Real Madrid na Paris Saint-Germain wanaonekana kuwa tayari kupeleka pendekezo la awali la kumtaka mlinzi huyo mwezi January na baadaye kukamilisha usajili wake, wakati mkataba wake darajani utakapo malizika huku bodi ya Chelsea ikiwa na muda wa miezi miwili kufikiria hilo na kulitolea maamuzi.

Akinukuliwa Di Matteo amesema

"maoni yangu na matarajio yangu ni Cole kusalia, lakini hatma yeke iko katika bodi ambayo itakuwa na maamuzi ya mwisho juu ya hilo"

Nelspruit kujaa katika fainali za mataifa ya Afrika.

Meneja wa uwanja wa Mbombela uliopo Nelspruit Roelf Kotze, anaamini uwanja huo utawavutia watu wengi katika fainali za mataifa ya Afrika zitakazo fanyika nchini Afrika kusini mwakani.

Uwanja huo unatarajiwa kuchezewa michezo minane ikiwepo michezo ya robo fainali na nusu fainali.

Mchezo unaotazamiwa kujaza watu wengi zaidi katika uwanja huo ni mchezo wa kundi C kati ya mabingwa watetezi Zambia dhidi ya Nigeria Januari 25.

Amenukuliwa akisema,

"tunaimani kuwa uwanja utakuwa na idadi kubwa ya watazamaji "

Michezo mingine itakayo chezewa katika uwanja huo ni pamoja na 

    21/01/2013

 Zambia v Ethiopia;

Nigeria v Burkina Faso (Group C)

    

 25/01/2013

Zambia v Nigeria

Burkina Faso v Ethiopia (Group C)

    

 29/01/2013

Zambia v Burkina Faso (Group C)

    30/01/2013

Togo v Tunisia (Group D)

     

Robo fainali 

03/02/2013

    Nusu fainali

 06/012/2013

Amesema kuwa hata hivyo kazi bado inatakiwa kufanyika ili kuhakikisha watu wanachomoza kwa wingi kwani wastani wa mahudhurio katika uwanja huo ni watazamaji elfu 16 mpaka 17.

Pamoja na Nigeria na Zambia, mji huo unatarajia kuwa mwenyeji wa timu za taifa za Burkina Faso, Ethiopia, Togo na Tunisia.

Kotze ana matumaini michezo hiyo itavutia watu wengine kutoka nje ya Nelspruit. 

Wakati hayo yakiwa hivyo, baraza la mawaziri nchini Afrika Kusini limeidhinisha fungu la kiasi cha dolari za kimarekani milioni 52 kwa kamati ya maandalizi  ya nchi hiyo(LOC).

Kiasi cha dolari milioni 9.5 zitatumika kwa ajili ya gharama za uendeshaji na kiasi kitakacho salia ni kwa ajili ya usimamizi mzima wa michuano katika miji mitano itakayo kuwa wenyeji wakati wa michuano.