TENGA: SERENGETI INATAKA MICHANGO YA WADAU NA KAMATI YA LIGI IKAE NA VYOMBO VYA HABARI KUPATA MUAFAKA.

Rais wa shirikisho la soka nchini Leordigar Tenga amewataka wadau wa soka nchini kujitokeza kuichangia timu ya taifa ya vijana wenye umri chini ya miaka 17 Serengeti Boys wakati huu ambapo timu hiyo inajiandaa kwa ajili ya mchezo wao wa mzunguko wa tatu dhidi ya ama Zimbabwe au Congo ambao wanatarajia kukutana hivi karibuni.

Tenga amesema mpaka hivi sasa timu hiyo haijapata mdhamnini na imekuwa ikiligharimu shirikisho la soka nchini TFF pesa nyingi ambapo ni kwa ajili ya malazi, chakula na posho za wachezaji wakati huu ambapo wamekuwa wakiendelea na mazoezi yao.

Amesema mpaka sasa kikosi hicho cha timu ya Taifa ya vijana kimesha igharimu TFF kiasi cha shilingi za milioni 250 lakini pia kuna wadau kama NSSF, NMB, chama cha soka mkoa wa Mbeya na PPF ambao wamekuwa wakisaidia malazi yao na viposho vya wachezaji.

Tenga amesema kocha mkuu wa kikosi hicho Jacob Michelsen ametaka kimsingi kuondoka kwenda kutazama mchezo wa Zimbabwe na congo ili kujionea mwenyewe mbinu za kiuchezaji za mpinzani wa Serengeti ambapo mpinzani akakuwa ni mshindi wa mchezo huo na hivyo kupata fursa ya kukijenga kikosi hicho kabla ya mchezo wa mwisho wa kukata tiketi ya kucheza fainali za vijana ambazo zinatarajiwa kuchezwa nchini Morocco mapema mwakani.

Aidha Michelsen ameomba apatiwe mchezo mmoja wa kujipima nguvu kabla ya mchezo huo wa mzunguko wa tatu na tayari Botswana na Afrika kusini wameonyesha nia ya kutaka kucheza na Serengeti Boys.

Tenga amesema katika kufanikisha yote hayo kunaifanya TFF kuelemewa na mzigo wa gharama ambazo zinatoka na usafiri wa timu itakayo kuja nchini kucheza mchezo huo,malazi na chakula pamoja na waamuzi watakao chezesha mchezo huo.

Tenga amesema ameona vema kuliweka hilo wazi ili kutoa nafasi kwa wapenzi wa mpira na wadau wengine kujitokeza kuichangia timu hiyo kwa lengo la kutimiza azma iliyokuwepo ya kujenga wachezaji vijana ambao watakuwa azina ya taifa.

WAKATI HUOHUO

Rais wa shirikisho la soka nchini Sir Leodiger Chila Tenga amevitaka vilabu vya ligi kuu chini ya kamati ya ligi pamoja na vyombo vya habari nchini kuketi meza moja na kujadili juu ya mzozo uliobuka hivi karibuni, ambapo uongozi wa vilabu hivyo vilipiga marufuku michezo ya ligi kuu kutokuonyeshwa moja kwa moja na televisheni wala kutangazwa na redio kwa madai ya kutaka matangazo hayo kulipiwa na vyombo hivyo vya habari.

 

Kauli ya kupiga marufuku ilitolewa hivi karibuni na mwenyekiti wa kamati ya ligi Wallece Karia ambapo marufuku hiyo ilianza kuonekana katika mchezo wa ligi uliochezwa jumamosi katika uwanja wa Taifa baina ya Simba na Mtibwa ambao ulimalizika kwa Simba kuchomoza na ushindi wa mabao 3-1.

Kabla ya kuanza kwa mchezo huo, walionekana walinzi wakiwazuia wanahabari kupiga picha za mchezo huo na kupelekea matukio muhimu ya nje ya mchezo huo ukiwemo mchezo wenyewe kutokurekodiwa wala kuripotiwa katika baadhi ya vyombo vya habari hapa nchini.

Akiongea na waandishi wa habari Rais Tenga amesema ameamua kulizungumza hili mapema kwa lengo la kutolea ufafanuzi lakini pia kuzitaka pande zote mbili kuketi meza moja na kulizungumza kwa lengo la kupata muafaka wa mzozo huo.

Amesema TFF aliamua mambo ya undeshaji wa ligi kusimamiwa na viongozi wenyewe wa vilabu kwa kushirikiana na kamati ya ligi na hivyo kwa kuwa mambo hayo yana ugumu wake ndio maana viongozi hao wanahangaika kutafuta namna ya kuongeza vipato vya wakati huu mchakato wa kuelekea kuundwa kwa bodi maalumu itakayokuwa na jukumu la kuisimamia ligi hiyo.

Amesema yeye kama  Rais anajua umuhimu wa vyombo vya habari katika kuutangaza mchezo wa soka na mchango mkubwa unao patikana kupitia vyombo vya habari katika kuutangaza mchezo wa soka kote duniani.

Tenga amesema ni kweli kote duniani vilabu vya soka huwa vinanufaika na vyombo vya habari kupitia matangazo ya mpira lakini kwa hapa kwetu ili kufikia azma hiyo ya kamati ya ligi na vilabu basi ni vema watu wakazungumza a kuona ni jinsi gani wataongeza vipato vyao kama kamati wakati huu wa kuunda bodi lakini anaona ni vema hili likazungumzwa kutona na kile anacvho amini juu ya umuhimu wa media.

"Nataka watu wengi wasikie habari za mpira na si nvema tukatengeneza mazingira ya watu kutokupata habari za mpira ."

‘Tumekaa na watu wa ligi na tumewataka wakae na vyombo vya habari na wazungumze juu yahilo.’