SCOTT WOOTTON ATOA BOKO MBILI ZA USHINDI WA CHELSEA DHIDI YA MAN UNITED.

Waswahili husema ngoma ya kitoto haikeshi, nautumia msemo huu hii leo baada ya washambuliaji wa Chelsea usiku wa kuamkia hii kuwazidi maarifa walinzi chipukizi wa mzee Alex Ferguson na hatimaye Chelsea kufanikiwa kutinga katika hatua ya timu nane za mwisho katika michuano ya kuwania taji la Capital One na sasa wakiwasubiri Leeds United.

Chelsea ilifanya makosa mawili ya kiulinzi ambapo United kupitia kwa mkongwe Ryan Giggs na Javier Hernandez walifanikiwa kupata mabao ilhali Chelsea walipata bao la kwanza kwa njia ya penati likifungwa na David Luiz .

Gary Cahill aliandika bao la pili na kuifanya matokeo kusomeka 2-2 lakini Luis Nani akaandika bao la tatu ambalo pengine ilidhaniwa Chelsea amelala katika mchezo huo, lakini jitihada za vijana wa darajani zilizaa matunda baada ya kufanikiwa kupata penati iliyopigwa na Eden Hazard na matokeo kusomeka 3-3.

Daniel Sturridge na Ramires kila mmoja alifunga goli katika dakika za nyongeza kabla ya Rayan Giggs kufunga bao la penati ambalo liliufanya mchezo huo kumalizika kwa matokeo ya Chelsea ikishinda 5-4.

Hatua ya robo fainali itakuwa kama hivi,

 Bradford v Arsenal

         Leeds United v Chelsea

        Norwich City v Aston Villa

        Swansea v Middlesbrough

Hata hivyo Chelsea itabidi wamshukuru mlinzi wa kati chipukizi Scott Wootton, ambaye alimsukuma Ramires na hivyo Chelsea kuzawadiwa penati katika dakika za nyongeza na mpira mwingine wa kichwa cha kurudisha kwa mlinda mlango Anders Lindegaard kuwa mfupi na hivyo kunaswa na Sturridge aliye utumbukiza nyavuni.