AKIWA NA UMRI WA MIAKA 32 IKER CASILLAS SASA ANATARAJIA KUPATA MTOTO.Mpango wa usajili wa Sunderland kumchukua Jozy Altidore wakubaliwa na klabu yake ya AZ Alkmaar na Kiungo wa kimataifa wa Brazil Paulinho sasa akamilisha usajili wake wa Tottenham.

Kiungo wa kimataifa wa Brazil Paulinho sasa akamilisha usajili wake wa Tottenham

Kiungo  wa Brazil Paulinho amejiunga na Tottenham akitokea Corinthians kwa ada ya pauni milioni £17.

Paulinho, ambaye alichagiza ushindi wa taji la Confederations kwa Brazil amefanikiwa kupita mtihani wa kipimo cha afya kabla ya kuanguka saini ya kuichezea klabu hiyo.

Paulinho factfile

Full name: Jose Paulo Bezerra Maciel Junior

Born: 25 July 1988

Brazil caps: 17

Brazil goals: 5

Kiungo huyo mwenye umri wa miaka 24 aliwasili London alhamisi na kukutana na meneja wa wake mpya Andre Villas-Boas na baadaye mwenyekiti Daniel Levy.

Amenukuliwa akisema

"ninafuraha kujunga na Spurs. Ni furaha sana katika kazi hii kuwepo katika klabu kubwa kama Tottenham,".

Real Madrid pia ilionyesha nia kwa Paulinho, ambaye aliicheze klabu ya FC Vilnius ya Lithuania na LKS Lodz ya Poland.

Mzaliwa huyo wa Sao Paulo amefunga jumla ya mabao 34 goals katika jumla ya michezo 167 aliyoichezea Corinthians na alichagiza ushindi wa Brazil wa mabao 3-0 wa mchezo wa fainali ya michuano ya Confederations Cup dhidi ya Hispania.

Mpango wa usajili wa Sunderland kumchukua Jozy Altidore wakubaliwa na klabu yake ya AZ Alkmaar

 Mshambuliaji wa AZ Alkmaar Jozy Altidore anatarajiwa kuwa na mazungumzo na Sunderland baada ya vilabu hivyo viwili kukubaliana juu ya mpango wa mauzo ya nyota huyo raia wa Marekani.

Mshambuliaji huyo mwenye umri wa miaka 23 ambaye amewahi kuichezea Hull City katika ligi kuu ya Englanda Premier League msimu wa 2009-10, anatarajiwa kuelekea England kwa ajili ya vipimo vya afya jumatatu.

Altidore alipokuwa na umri wa miaka 19 alijiunga na Hull City kwa mkopo wa muda mrefu akitokea Villarreal mwezi August 2009.

Alifunga goli zuri katika wa ushindi wa mabao 2-1 dhidi ya Manchester City February 6 2010, likiwa ni goli lake pekee alilowahi kufunga katika jumla ya michezo 28 ya michezo ya ligi kuu ya England Premier League.

Alkmaar imethibitisha kuwepo kwa makubaliano kupitia mtandao wa klabu hiyo lakini imeshindwa kuweka wazi ni mpango wa kiasi gani cha fedha.

Altidore amesaliwa na miaka ndani ya mkataba wake na klabu hiyo ya kidachi.

Sunderland iliyochini ya Paolo Di Canio ikiwa itafanikiwa kumsajili  Altidore, itakuwa ni klabu ambayo ilikuwa bize kweli kweli katika zoezi la usajili kwani tayari imekuwa katika mipango ya kusajili wengine saba.

Sunderland kwa jina la utani Paka mweusi pia wamethibitisha kuwasajili akina Modibo Diakite, Valentin Roberge, Cabral, Duncan Watmore, David Moberg Karlsson na mlinda mlango Vito Mannone.

Kocha wa Nigeria Stephen Keshi anungunikia malipo yake ya tangu michuano ya Afrika.

 Kocha wa Nigeria Stephen Keshi hajalipwa malipo yake tangu alikuwa akikiongoza kikosi cha Super Eagles katika fainali za mataifa ya Afrika miezi mitano iliyopita.

Nahodha huiyo wa zamani wa Super Eagles hata hivyi imeelezwa kuwa bado hajalalamikia malipo hayo kiofisi.

Taarifa zaidi zinasema Nigerian Football Federation linafanya utaratibu wa kulimaliza na kwamba suala hilo liko ndani ya shirikisho la soka la Nigeria na timu ya kocha huyo na kwamba hakuna matatizo hiyo ikiwa ni kauli ya katibu wa NFF Musa Amadu.

Shirikisho hilo ambalo kwasasa linakabiliwa na matatizo makubwa ya kifedha pia linadaiwa na kocha msaidizi wa timu hiyo Daniel Amokachi na kocha wa makipa Ike Shorunmu.

Baada ya miaka 32 sasa ya kuzaliwa kwake sasa Iker Casillas na Sara Carbonero wanatarajia kuwa baba na mama.

 Mlinda mlango wa Hispania na timu ya Real Madrid  Iker Casillas anatarajiwa sasa kuwa baba kwa mara ya kwanza taarifa hizi zikiwa zimethibtishwa na yeye mwenyewe.

Mlinda mlango huyo mwenye umri wa miaka 32 akiwa na mpenzi wake Sara Carbonero, ambaye ni mwandishi wa habari za michezo kupitia chombo cha habari kinachotambuliak kama Tele 5, wameweka wazi hilo hapo jana wakiwa wamerejea wakitokea katika michuano ya kombe la shirikisho Brazil.

Casillas ambaye hakuwa katika msimu nzuri katika kikosi cha kwanza cha klabu yake ya Madrid chini ya Jose Mourinho alikuwepo langoni katika mchezo wa fainali wa kombe la shirikisho kule Brazil ambapo walichapwa kwa mabao 3-0. 

Miss Carbonero, naye alikuwepo nchini Brazil kama mwandinshi akifuatialia michezo hiyo.

Akiongea na waandishi wa habari katika uwanja wa ndege wa Barajas huko Madrid,  Casillas amesema "nimefurahi sana"

Wawili hao wanasubiri wiki 13 zijazo kuanza kupata mtoto.