Blatter & Ronaldo: Kama Neymar anataka kupata nafasi ya kushinda Ballon d'Or aende kwanza Ulaya.

Rais wa shirikisho la soka duniani FIFA Sepp Blatter amesisitiza kuwa mshambuliaji wa Santos ya Brazil    Neymar anapaswa kuondoka katika ardhi ya nyumbani ya Brazil la kuelekea kuecheza soka barani Ulaya endapo anataka kushinda tuzo ya Ballon d'Or.

Mshambuliaji huyo hakuorodheshwa katika orodha fupi ya majina ya wanao wania tuzo hiyo lakini Blatter mwenye umri wa miaka 76 anasema mchezaji huyo anaweza kuwa na nafasi ya kushinda lakini kwanza aondoke katika ardhi ya nyumbani.

"Neymar yuko vizuri lakini ni vigumu kwa yoyoye asiyecheza soka Ulaya kuwemo katika orodha hiyo ya mwisho"

Blatter ametoa maneno hayo katika mkutano wake na waandishi wa habari mjini Sao Paolo.

"kiwango cha soka nchini Brazil ni cha juu, lakini soka barani Ulaya ndio kipimo cha wachezaji".

Mshambuliaji wa zamani wa kimataifa wa Brazil Ronaldo amekubaliana na maneno hayo ya kiongozi wa FIFA, kukubali juu ya uwezo wa Neymar.

 "Neymar yuko katika orodha ya wachezaji 23 walioteuliwa kwa ajili ya tuzo na hayo ni mafanikio, lakini nadhani kuwemo katika orodha ya wachezaji wa mwisho anapaswa kucheza Ulaya au awe katika kiwango cha juu katika timu ya taifa katika fainali za kombe la dunia 2014.

"Neymar ni mchezaji mkubwa Brazil, lakini hajulikani Ulaya "