Manchester City yaongoza kuwalipa mawakala wa wachezaji.

 Manchester City imetumia zaidi ya pauni milioni £10 kuwalipa mawakala wa wachezaji katika kipindi cha mwaka mmoja uliopita.

Mabingwa hao wa soka wa ligi kuu nchini England ‘Premier League’ wametumia jumla ya pauni milioni £10.5 ambazo ni zaidi ya pauni milini £2 walizotumia Liverpool ambao walitumia pauni milioni £8.6 kati ya kipindi cha Oktoba 2011 na Septemba 2012.

Hesabu za hivi karibuni za vipindi viwili vya uhamisho zinaonyesha kuwa nayo Queens Park Rangers nayo imetumia kiasi kikubwa katika kujaribu kuinusuru timu hiyo kusalia katika ‘Premier League’.

QPR, ambayo ilitumia pauni £2.5 katika kipindi kilichopita sasa imepanda kwa asilimia 300% kuwalipa mawakala ambapo hesabu zinaonyesha kuwa klabu hiyo imetumia pauni milioni £6.8 kuwalipa watu wa kati.

Usajili wa wachezaji kama Julio Cesar, Jose Bosingwa na Djibril Cisse kule Loftus Road katika kipindi cha miezi 12 iliyopita umewagharimu sana lakini pamoja na matumizi hayo bado klabu hiyo inaburuza mkia wa ligi ikiwa katika umbali wa alama 8 kutoka mstari wa hatari ya kushuka daraja.

Klabu ambayo imeonyesha kutumia kiasi kidogo kuwalipa mawakala ni Southampton, ambayo ni klabu pekee inayoshirikia Premier League iliyofanya matumizi chini ya pauni milioni £1.

Jumla ya pesa zilizo tumiwa na vilabu vyote 20 kufanya matumizi ya malipo ya mawakala katika kipindi cha mwaka mmoja uliopita imepanda kufikia zaidi ya pauni milioni £77 tofauti na kipindi kilichopita cha Oktoba 2010 mpaka septemba 2011.

Kiasi kilichotumiwa na kila klabu kuwalipa mawakala Oktoba 2011 mpaka Septemba 2012 ni kama ifuatavyo

Manchester City - £10,537,982

Liverpool - £8,600,444

Queens Park Rangers - £6,818,688

Tottenham Hotspur - £6,595,905

Chelsea - £6,490,382

Arsenal - £5,580,873

West Ham Utd - £4,436,992

Manchester Utd - £3,681,580

Newcastle Utd - £3,485,503

Everton - £3,092,891

Aston Villa - £2,730,539

Fulham - £2,581,208

Sunderland - £2,173,762

Reading - £2,167,833

Wigan Athletic - £1,974,305

Stoke City - £1,717,266

West Bromwich Albion - £1,341,301

Norwich City - £1,248,725

Swansea City - £1,100,845

Southampton - £646,106