CECAFA TUSKER CUP 2012: Kilimanjaro Stars kukutana na ndugu zao Zanzibar. John Bocco Mabao na Mrisho Ngasa waongoza kwa ufungaji.

Timu za taifa za Tanzania Kilimanjaro Stars na Zanzibar Heoroes zimefanikiwa kutinga nufu fainali ya michuano ya Cecafa Tusker Challenge Cup 2012 na sasa zitakutana wenyewe kwa wenyewe kusaka timu itakayo cheza fainali ya michuano.

Kilimanjaro yenyewe imeichapa timu ya taifa ya Rwanda ‘Amavubi ‘ kwa mabao 2-0 katika mchezo wa nusu fainali ya kwanza iliyochezwa katika uwanja wa Lugogo.

Kilimanjaro ilipata mabao yake kupitia kwa kwa Amiir Kiemba na John Raphael Bocco mabao yaliyopatikana kipindi vipindi viwili tofauti.

Mchezo ulianza taratibu kwa timu zote mbili, kabla ya Amiir Kiemba kuandika bao la kwanza kunako dakika ya 34 ya mchezo.

Alifunga bao hilo baada ya kupata pasi ya krosi kutoka kwa Mwinyi Kazimoto kutoka upande wa kushoto wa uwanja baada ya kumtoka mlinzi wa Rwanda.

Kilimanjaro ilitawala mchezo na pengine wangeongeza bao lingine baada ya Mrisho Ngassa kushindwa kuunganisha krosi ya Kevin Yodan kutoka upande wa kushoto.

Baada ya mapumziko John Raphael Bocco aliandika bao la pili kunako dakika ya 54 baada ya kuunganisha mpira ulio temwa na mlinda mlango wa Rwanda Jean Claude Ndori.

Ndori alitema mpira uliopigwa umbali wa mita 35 na Mwinyi Kazimoto na hivyo kuandika bao lake la 5 katika michuano hii.

Licha ya Rwanda kufanya mashambulizi mfululizo langoni mwa Kilimanjaro katika dakika za mwisho, lakini bado ulinzi wa Kevin Yodan na Shomari Kapombe ulisaidia kuzuia Rwanda kuandika hata bao moja.

Kwa matokeo hayo ni kwamba Kilimanjaro Stars itakutana na ndugu zao wa Zanzibar Heroes, mabingwa wa mwaka 1995 ambao katika mchezo wa robo fainali ya pili wamefanikiwa kuwafunga Burundi (Intamba Murugamba) kwa penati 6-5 baada ya dakika 90 za mchezo huo kumalizika bila kufungana.

Abdallah Othman alifunga penati ya ushindi kwa Zanzibar baada ya Fiston Abdoul wa Burundi kupoteza penati yake

Nahodha wa Burundi  Selemani Ndikumana na nahodha Zanzibar Nadir ‘Cannavaro’ Haroub walokosa penati zao.

Ndani ya dakika 90 mshambuliaji wa Zanzibar Juma Jaku Juma alipoteza nafasi nyingi za kumalizia huku mlinda mlango Ally Mwadini akiokoa mipira mingi iliyo elekezwa langoni kwake na Selemani Ndikumana na Christopher Nduwagira.

Penati za Zanzibar zilifungwa na Khamis Mcha Khamis, Adeyom Saleh Ahmed, Juma Jaku Juma, Nuhu Haji Samih, Aggrey Morris na Abdallah Othman wakati ambapo kwa upande wa Burundi penati zao zilifungwa na Styve Nzigamasabo, Amisi Tabwe, Christopher Nduwagira, Leopold Nkurikiye na Gael Duhatindayishimiye.