HABARI ZA MICHEZO KIMATAIFA: Tito Vilanova nje tena. Wakorea wawafungia maisha wachezaji 41 na FIFA yawamaliza kabisa dunia nzima na mkongwe Beckhama anajinadi kuwa ana ofa 12 kutoka dunia nzima atatoa majibu wiki ijayo.

 Vilanova hatakuwepo katika benchi la Barcelona mchezo dhidi ya Cordoba.

Barcelona itaendelea kuikosa huduma ya kocha wake Tito Vilanova katika mchezo wa kesho wa michuano ya Copa del Rey katika uwanja wake wa nyumbani dhidi ya Cordoba kufuatia kocha huyo mwenye umri wa miaka 44 kufanyiwa kipimo cha afya yake hizi zikiwa ni taarifa ambazo zimethibitishwa na kocha msaidizi Jordi Roura.

Kwasasa kocha huyo mwenye umri wa atarejea katika benchi baada ya kufanyiwa upasuaji mwezi disemba lakini nafasi yake itashikiliwa na msaidizi wake katika kipindi hiki wiki nzima.

Akiongea kocha msaidizi wake amesema

"Tito hataudhuria mchezo wa kesho alhamisi kule Camp Nou. Atakuwa akiwa fanyiwa uangalizi wa afya hivyo hatakuwepo"

Barcelona ilishinda dhidi ya Cordoba katika mchezo wa kwanza wa mzunguko wa 16 kwa mabao 2-0.

Chama cha soka nchini Korean chawafungia maisha wachezaji 41 baada ya kuhusika na udanganyifu wa matokeo

Chama cha soka nchini Korea (KFA) kimewafungia maisha wachezaji 41 kutokana na kutiawa katika udanganyifu wa matokeo.

Makosa hayo yalitendeka katika michezo ya ligi ya nchi hiyo K-League mwaka 2011

Bodi ya utawala ya Fifa nayo kwa upande wake imeongezea rungu la adhabu hiyo kuwa si nchini Korea peke yake bali ni adhabu ambayo itawagusa wachezaji hao kokote duniani kiasi kwamba hakuna mchezaji atakaye cheza soka nje ya nchi hiyo.

Beckham anafikiria ofa 12.

 David Beckham kwasasa anajipanga kufanya maamuzi ya hatma yake ya baadaye jumalijalo baada ya kupokea ofa 12 kutoka sehemu mbalimbali duniani, lakini inaarifiwa kuwa anafikiria zaidi kumalizia akiwa London.

Kwa mujibu wa taarifa zilizo zagaa ni kwamba Beckham mwenye umri wa miaka 37, atakuwa na vikao kadhaa kuelekea katika mustakabali wake wa soka na washauri wake wiki ijayo.

Mchezaji huyo wa zamani wa kimataifa wa England ambaye amekuwa hana timu tangu mkataba wake na Los Angeles Galaxy kumalizika mwezi uliopita, anafikiria ofa mbalimbali alizo pokea kutoka Ulaya, Marekani ya kusini, Marekani ya Kaskazini, Afrika kusini, Russia, China na Mshariki ya kati japo si Qatar kama ilivyo fahamika huko nyuma.