Ligi kuu England: Chelsea kupeleka maumivu zaidi kwa Fulham Jumamosi

Timu inayoongoza Ligi ya Premia itakutana na inayoshika mkia Jumamosi pale itakapo safiri kuifuata Fulham wakijaribu kuweka salama jitihada zao za kupigania taji na kuongeza masaibu ya majirani hao wanaokabiliwa na hatari ya kushushwa daraja. 

 

Huku Manchester City walio katika nafasi ya tatu wakitarajiwa kukutana dhidi ya Sunderland katika fainali ya Kombe la Capital One (League) uwanjani Wembley Jumapili.

 Chelsea wanaweza kuongeza mwanya kati yao na vijana hao wa Manuel Pellegrini hadi alama sita. 

Chelsea wanaongoza wakiwa na alama 60 baada ya kushuka uwanjani katika michezo 27, moja zaidi ya Arsenal yenye alama 59, ambao watakuwa ugenini kwa Stoke Jumapili, na wako alama tatu mbele ya City, wenye alama 57 kutoka kwa mechi 26.

Liverpool wako nambari nne na alama 56.

Timu hiyo ya Jose Mourinho ilishindwa mara ya mwisho na Fulham 2006, mwaka ambao walishinda taji lao la pili mtawalia, na walitoka sare ya 1-1 na Galatasaray katika Ligi ya Klabu Bingwa Ulaya Jumatano. 

"Sharti tupambane, lazima tucheze. Kila ushindi utaendelea kutuweka huko, kila kichapo au sare ina maana kwamba tutapoteza nafasi yetu.” 

Fulham, ambao hawajashinda kwa mechi saba sasa, watakuwa wakitarajia kumpa kocha wao mpya kutoka Ujerumani Felix Magath ushindi katika mechi yake ya pili baada ya kutoka sare dhidi ya West Bromwich Albion wikendi iliyopita. 

Arsenal walio wapili, na waliolaza Sunderland 4-1 mechi yao iliyopita, wataenda Stoke wakiwa wametatizika kupata ushindi uwanja wa Britannia. 

Arsene Wenger hajaweza kushinda Stoke katika mechi tatu zilizopita akiwa kwao na Mfaransa huyo atakuwa bila beki wa kushoto Kieran Gibbs ambaye anauguza jeraha la misuli ya paja.

“Bado tuko hapo kwenye jedwali,” Wenger alisema baada ya ushindi dhidi ya Sunderland. "Yote yatategemea uendelevu wa matokeo yetu.”

Stoke, ambao wameshinda mechi moja pekee kati ya sita za ligi walizocheza majuzi, wako alama tatu kutoka kwa eneo la kushushwa ngazi lakini watatiwa nguvu na kurudi kwa difenda Mjerumani Robert Huth.

Liverpool wataendelea kutishia viongozi watatu wa ligi watakaposafiri pwani ya kusini kucheza dhidi ya Southampton Jumamosi (1730), straika wao Daniel Sturridge akilenga kufunga katika mechi yake ya tisa mfululizo Ligi ya Premia.