Kiungo wa klabu ya Liverpool Jordan Brian Henderson amesema
hana budi kupambana katika mazoezi ya timu ya taifa ya Uingereza kwa lengo la
kumshurutisha kocha mkuu Roy Hodgson ili amujumuishe katika kikosi cha kwanza
kitakachecha mchezo wa ufunguzi wa kundi la nne katika fainali za kombe la
dunia huko nchini Brazil dhidi ya timu ya taifa ya Italia.
Jordan Henderson amesema hana budi kufanya hivyo kutokana
na viwango vya ubora kwa wachezaji wote wa timu ya taifa ya Uingereza
kushabihiyana.
Amesema kila mmoja anahitaji kucheza mchezo huo wa ufunguzi
kutokana na umuhimu wa kutaka kuisaidia timu ya taifa la Uingereza hivyo kwa
sasa anajitahidi kwa lengo moja tu, la kuhitaji kuwa sehemu ya kikosi cha
kwanza siku ya jumamosi.
Hata hivyo kiungo huyo bado amesema endapo itatokea kinyume
na matarajio yake ya kushindwa kuwa sehemu ya kikosi cha kwanza kitakachocheza
mchezo dhidi ya timu ya taifa ya Italia, ataichukulia hali hiyo kama changamoto
ambayo itamuongezea chachu ya kufanya mazuri zaidi mazoezini ili malengo yake
yatimie.
Kikosi cha timu ya taifa ya Uingereza jana kimefanya
mazoezi kwa mara ya kwanza nchini Brazil katika uwanja wa jeshi uliopo mjini
Rio de Janeiro.
No comments:
Post a Comment