"KUNA WAKATI UNATAMANI KUMUA BALOTTELI" ANASEMA PABLO ZABALETA. TORRES ANASEMA CHELSEA NDIO KLABU BINGWA YA DUNIA.

 Mlinzi wa Manchester City Pablo Zabaleta ametoa maneno ya utani akisema kuna wakati inatokea unatamani kumuua Mario Balotelli kutokana na tabia za ajabu ajabu za mshambuliaji huyo.

Amenukuliwa Omnisport Zabaleta akisema

"ukiwa mchezaji wakati mwingine si kila ulicho nacho mguuni ndicho kilichopo kichwani na Mario anatabia hiyo, huyu mwenzetu unaweza ukacheka kwa yale anayofanya na wakati mwingine ukatamani hata kumuua, lakini mwisho wa siku ni mzuri tu".

 Zabaleta ameongeza kwa kusema tangu kuwasili kwake Manchester amekuwa gumzo, lakini licha ya matatizo yake mshambuliaji huyu ni mwenye malengo makubwa.

Mlinzi huyo mwenye umri wa miaka 27 anaamini mchezaji mwenzi wake huyo anaweza kufika mbali katika soka na kupata tuzo ya heshima  na kwamba yuko katika klabu ya kweli na meneja anaye weza kufika huko.

"tangu kuwasili kwa Mario amekuwa na mambo mengine ya sawa na wakati mwingine ya hovyo, kama mchezaji ni mchezaji mwenye kipaji.

 Kama atataka kupigania tuzo ya  Ballon d’Or kama ilivyo kwa Messi na Cristiano Ronaldo anaweza kufanya hivyo ingawa hatashinda lakini anaweza kuwa karibu nao na kuwa mshambuliaji mkali duniani.

 Torres: Chelsea ndio wenye nafasi ya kutwaa kombe la dunia la vilabu.

Mshambuliaji wa Chelsea Fernando Torres anaamini kuwa timu ndio yenye uwezo wa kutwaa taji la michuano ya vilabu bingwa duniani, ambapo amesema kushinda taji hilo ni lengo kubwa msimu huu.

Amenukuliwa na FIFA.com akisema

 “Chelsea ndio yenye nafasi ya kushinda taji hilo lakini kwangu kuwa kwenye nafasi ya kufanya hivyo si kitu”.

“kitu pekee cha kufanya ni kuongeza morali na juhudi, na mwisho wa siku haijalishi kuwa mwenye nafasi ya kushinda ama laa, unapaswa kudhihirisha hilo uwanjani"

Klabu hiyo yenye maskani yake kaskazini mwa jiji la London itaingia katika michuano hiyo mwisho wa mwezi huu ikiwa ni baada ya kutwaa taji la vilabu bingwa Ulaya taji ambalo walilitwaa mwezi May, na Torres anasema maandalizi ya michuano hiyo itakuwa imekamilika.