ROCKERSPORTS

Kocha wa Ujrumani Joachi Loew

Kocha wa Ujerumani Joachim Loew amesema kuwa timu yake inapania kuandikisha historia kwa kuwa timu ya kwanza kutoka bara Uropa kutwaa taji la dunia Kusini mwa Marekani usiku huu.

Ujerumani inakutana na Argentina katika fainali ya kombe la dunia la mwaka huu huko Brazil baadaye usiku huu wa Jumapili tarehe 13 Julai katika uwanja wa kihistoria wa Maracana Ulioko mjini Rio de Jenairo Brazil.

Argentina itachuana na Ujerumani katika Fainali ya kombe la dunia huko Brazil.

Hakuna timu yeyote kutoka barani Uropa ambayo imewahi kushindwa taji la dunia katika michuano nane ya kombe la dunia iliyoandaliwa Kusini mwa Marekani.

“Ninaamini kuwa kikosi changu kinauwezo wa kuandikisha rekodi ya dunia fauka ya matokeo ya zamani ya timu kutoka barani Uropa''

Hii itakuwa ni mara ya Tatu kwa timu hizo kukutana katika fainali Ujerumani ikishinda mechi moja nayo Argentina ikishinda ile nyengine(1986)

Argentina itachuana na Ujerumani katika Fainali ya kombe la dunia huko Brazil.

Argentina ilifuzu kwa fainali hizo baada ya kuiondoa Uholanzi kupitia mikwaju ya penalti huku Ujerumani ikijikatia tikiti yake ya Fainali baada ya kuifunza soka Brazil ilipoikomoa mabao 7-1 katika ile nusu fainali nyengine.

Licha ya hayo ,Loew amemlimbikizia sifa kochokocho kocha mpinzani Alejandro Sabella akisema Argentina ameshinda mechi zao zote licha ya ushindani mkali.

Maonni yake Loew yalitiliwa pondo na kiungo wake wa kati Bastian Schweinsteiger aliyesema kuwa Ujerumani inauwezo wa kuilaza Argentina licha ya wao kuonekana wakakamavu katika safu ya ulinzi.

Hapa Messi , hapa Muller hatariiiiii

Kocha Loew alikanusha dhana kuwa Argentina imeumbwa kumnufaisha mshambulizi wa Barcelona Lionel Messi ,''La hasha Argentina inawashambulizi wazuri hata wenye sifa sawa na Messi lakini wao ndio wanaofanya kazi ya zida kisha messi anamaliza tu .

''Huwezi kuwapuuza washambulizi kama Gonzalo Higuaín na Angel Di Maria, ukiwa unadhania Argentina ni Messi umekosea sana''alisema kocha huyo.