KIMATAIFA:Manchester United yamjumuisha Vidic ziara ya ulaya,Aquilani ajiunga na Fiorentina akitokea Liverpool na Ronaldo Penati ni bahati anasema.

Manchester United yamjumuisha Vidic ziara ya ulaya

Nemanja Vidic amejumuishwa katika kikosi cha wachezaji 21 cha Manchester United kwa ajili ya michezo ya matayarisho ya kuanza kwamsimu barani ulaya.

mlinzi huyo raia wa Serbia na ambaye ni tegemeo kubwa Old Trafford alikuwa nje ya uwanja kwa muda mrefu akisumbuliwa na majeraha aliyo yapata katikati ya msimu uliopita.

Washindi hao wa pili wa ligi kuu ya nchini Uingreza wanataraji kucheza dhidi ya Valerenga hapo kesho na baadaye kuelekea  Gothenburg kucheza dhidi ya Barcelona August 8 kabla ya kumaliza dhidi ya Hannover 96 August 11.

Majina ya nyota waliojumuishwa katika hicho cha mashetani wekundu ni pamoja na Wayne Rooney, Ashley Young na Rio Ferdinand.

Jumla ya wachezaji 21 wamekifanya kikosi cha sasa kuwa kizuri zaidi kuliko kikosi kile kilicho fanya ziara ya nchini Afrika kusini mwezi July.

 Wachezaji ambao wameachwa katika cha mzee Alex Ferguson safari hii ni pamoja na walinzi Chris Smalling mwenye matatizo ya mguu na Jonny Evans mwenye matatizo ya ankle.

Wengine ni wachezaji walioko katika kikosi cha GB ambao ni Ryan Giggs ,Tom Cleverley na mlinzi mbrazil Rafael kwa kuwa wako katika kikosi GB kinashiriki michezo ya Olympic jijini London.

Official: Aquilani ajiunga na Fiorentina akitokea Liverpool

Kiungo wa Liverpool Alberto Aquilani amejiunga na Fiorentina ya Italia hizi zikiwa ni taarifa zilizo thibitishwa na pande zote mbili.

Baada ya kujiunga na Merseyside mwaka 2009, Aquilani ambaye alinunuliwa kwa kwa ada ya uhamisho ya pauni mlioni 17 ameichezea timu hiyo michezo 18 tu katika ligi

Mipango ya kuuzwa kwake ilikuwa wazi kufuatia kuondoshwa katika kikosi ambacho kimekuwa katika ziara ya maandalizi ya kuanza kwa ligi huko Amerika ya kaskazini.

Liverpool imethibitisha hilo kupitia mtandao wa klabu hiyo ilhali Rais wa Fiorentina Andrea Della Valle akiwaambia wanahabari huko Moena iliko kambi ya Fiorentina akisema kuwa wamefanikiwa kumchukua Aquilani.

Hapo kabla ya ilidhaniwa kuwa chini ya utawala mpya wa Brendan Rodgers huenda mtaliano huyo angepewa nafasi kubwa kikosini hasa baada ya kutumikia misimu miwili ya mwisho kwa mkopo katika vilabu vya AC Milan na Juventus.

Bosi wa zamani wa Swansea tayari ameweka wazi kuwa klabu yake hiyo inafikiria kupata saini za Loe Allen wa Swansea na Clint Dempsey wa Fulham lakini huenda Andy  Carroll akaondoka Anfield.

Penati ni bahati anasema Ronaldo

 Mshambuliaji wa Real Madrid Cristiano Ronaldo amesema kuwa mipira ya penati mara nyingi huondoa bahati kwake.

Mfumania nyavu huyo alipoteza penati yake akiwa ni mpigaji wa kwanza katika mchezo wa nusu fainali ya ligi ya mabingwa Ulaya Real Madrid wakicheza dhidi ya Bayern Munich na katika mchezo wa mataifa ya Ulaya Euro 2012 Hispania dhidi ya Ureno hakupata nafasi ya kupiga kwa kuwa alichagua penati ya mwisho.

amenukuliwa akisema

"kwangu penati huwa sina bahati nazo, kwa hiyo naweza kusema nimekuwa sina bahati katika sehemu hiyo fupi lakini muhimu kimatokeo.

"mtu anaweza mawazo yake kama kupiga ya kwanza ,ya pili au ya mwisho lakini mwisho wa siku inakuwa ni bahati na sibu".

Nyota huyo wa kimataifa wa Ureno mwenye umri wa miaka 27 amefunga jumla ya mabao 46 katika ligi kuu ya soka nchini Hispani maarufu La Liga katika jumla ya michezo 38 msimu wa 2011-12.