CECAFA TUSKER CHALLENGE CUP 2012: NNE ZA MWISHO NI PATASHIKA NGUO KUCHANIKA. ZANZIBAR VS KENYA NA KILIMAJARO VS UGANDA.

Timu ya taifa ya Uganda ‘Uganda Cranes’ imepiga hatua nyingine muhimu ya kucheza hatua ya nusu fainali ya michuano ya Cecafa Tusker Cup 2012 baada ya kuichapa timu ngumu ya Ethiopia mabao 2-0 mchezo wa robo fainali uliochezwa katika dimba la Mandela lililopo katika kitongoji cha Namboole jioni ya leo.

Geoffrey ‘Baba’ Kizito na Robert Ssentongo ndio waliokuwa wafungaji wa mabao hayo.

The Cranes sasa itakutana na Kilimanjaro Stars ambayo ilitinga nusu fainali baada ya kuichapa timu ya taifa ya Rwanda Amavubi kwa mabao nusu fainali itakayopigwa jioni ya alhamisi.

KATIKA MCHEZO MWINGINE WA MAPEMA

Kenya imeungana na timu za taifa za Zanzibar na Kilimanjaro Stars kucheza hatua ya nusu fainali ya michuano ya Cecafa Tusker Cup 2012 baada ya kufanikiwa kupata ushindi wa bao 1-0 dhidi ya timu ya taifa ya Malawi ambao walikuwa ni waalikwa katika michuano ya mwaka huu mchezo uliopigwa katika dimba la Mandela lililoko katika kitongoji cha Namboole.

Mike Barasa ndiye aliyefunga bao pekee la washindi ambalo limeifanikisha Harambe Stars kutinga nusu fainali ua michuano hiyo ya 34 ambayo ni mikongwe kuliko yote barani Afrika.

Harambe Stars sasa itakutana na mabingwa wa mwaka 1995  Zanzibar ambao wamewaondosha Burundi mabao 6-5 kwa njia ya penati katika hatua ya robo fainali