EUROPA LEAGUE LAST 16: PAPI CISSE KUWAKOSA MAKHACHKALA NA BERNITEZ KUMKOSA DEMBA BA DHIDI YA STEAUA BUCHAREST

     Venue: Luzhniki Stadium

    Date: 7 March 2013

    Kick-off: 17:00 GMT

Mshambuliaji wa Newcastle Papiss Cisse atakuwa nje ya uwanja usiku wa leo katika mchezo wa kwanza wa hatua ya 16 bora wa ligi ndogo ya UEFA (Europa League last 16)  dhidi ya Anzhi Makhachkala.

Cisse hakusafiri kuelekea nchini Russia kutokana na kusumbuliwa na misuli, hivyo kufanya uwezekano wa nafasi yake kuchukuliwa na Shola Ameobi.

Meneja Alen Pardew amelazimika kumjumuisha mlinzi Fabricio Coloccini pamoja na winga Hatem Ben Arfa ambao anatarajia kuwatumia usiku wa leo.

Ben Arfa hajaonekana dimbani tangu alipopatwa na maumivu ya msuli mwezi desemba katika mchezo ambao timu hiyo ilifungwa na Fulham kwa mabao 2-1 mchezo wa ligi kuu ya soka nchini England.

Kikosi cha Pardew kitakuwa na kazi kubwa kukabiliana na wakali kama mshambuliaji wa zamani wa Barcelona Samuel Eto'o na kiungo wa zamani wa Real Madrid Lassana Diarra.

Mlinda mlango namba moja ambaye kwasasa nia majeruhi wa enka Tim Krul amesalia jijini Newcastle, ambapo Alan Pardew amelazimika kuwachukua walinda mlango makinda Jak Alnwick na Adam Campbell katika safari hiyo.

Kwa upande wa meneja wa Anzhi, Guus Hiddink anadhani kikosi chake kitacheza bila presha kwakuwa kimefanikiwa kufikia malengo waliyojiwekea wakati wa maandalizi ya msimu ambayo ni kufikia hatua ya 16.

Amenukuliwa akisema

"Kwakweli tunafuraha sana kwa kufikia dhamira yetu tuliyojiwekea tangu mwanzo wa msimu ambayo ni kuendelea kuwepo mpaka kipindi cha majira ya baridi katika michuano ya Ulaya

BERNITEZ KUMKOSA DEMBA BA DHIDI YA STEAUA BUCHAREST.

     Venue: National Arena, Bucharest

    Date: Thursday 7 March

    Kick-off: 18:00 GMT

Bosi wa muda wa Chelsea Rafael Benitez atakuwa na kazi kubwa ya kukumbana na timu ya ushindani ya Steaua Bucharest katika michezo ya michuano ya Ulaya hatua ya 16 bora ukiwa ni mchezo wa mkondo wa kwanza utakao pigwa usiku wa leo National Arena katika jiji la Bucharest.

 Chelsea wako katika mawindo ya kucheza mchezo wa robo fainali wa michuano ya FA ambao utapigwa jumapili wakati huohuo wakiwa katika kampeni kubwa ya kumaliza katika moja ya nafasi nne za katika ligi kuu ya soka nchini England.

Benitez usiku wa leo anatarajiwa kufanyia mabadiliko kikosi chake lakini pia anaonekana ni mwenye matumaini makubwa ya kusonga mbele katika michuano hiyo ya Ulaya.

Steaua Bucharest imepoteza michezo mitano tu katika jumla ya michezo 20 ya michuano ya Ulaya iliyocheza ikiwa katika dimba lake la nyumbani wakati ambapo Chelsea imemudu kushinda michezo 4 tu katika jumla ya michezo 12 iliyocheza ikiwa ugenini katika michezo ya Ulaya.

Demba Ba amekosa uhalali wa kucheza katika mchezo huo utakao pigwa nchini Romania kutokana na kwamba amekwisha kuchezea Newcastle katika michuano hii mwanzoni mwa msimu, wakati ambapo Victor Moses yeye hajasafiri na kikosi hicho hivyo kumfanya Bernitez kulazimika kumtumia Fernando Torres katika kikosi cha kwanza.

Chelsea ilishindwa kuendelea kutetea taji lake la ubingwa wa Ulaya baada ya kutolewa katika mzunguko wa kwanza wa michuano hiyo mwezi desemba.

Mlinzi David Luiz anasema yeye na wachezaji wengine wa kikosi cha Chelsea wana njaa na mafanikio ya Ulaya wakati huu ambapo

Steaua wakimkosa mshambuliaji wao muhimu Stefan Nikolik ambaye ana matatizo ya mguu.