NEYMAR AMLILIA ROONEY ANASEMA ANAMKUBALI ILE MBAYA ATAKA AJIUNGE NAYE BARCELONA. KUFANYIWA UPASUAJI WA SHINGO IJUMAA...........SOMA..

Neymar akimburuza Ramos.

Mshambuliaji wa kimataifa wa Brazil Neymar da Silva Santos Júnior maarufu kama Neymar amemtaka mshambuliaji asikuwa na msimamo wa Manchester United Wayne Rooney kuamua kujiunga naye katika klabu ya Barcelona akisema kwake itakuwa kama ndoto kucheza na mshambuliaji huyo wa England ambaye anamzimia ile mbaya.

Neymar ambaye amejiunga na Katalunya mapema wakati wa kuanza kwa msimu kwa ada ya uhamisho ya pauni milioni £48.6 akitokea klabu ya Santos ya Brazil amesema kujiunga kwake Camp Nou amefanya vema hivyo itakuwa vema pia Rooney aliyemwita ni mwenye kipaji kujiunga naye. 

Neymar nyota wa soka aina ya Samba ambayo ni utamaduni wa Brazil alifunga goli la pili na la kusisimua katika mchezo wa fainali ya kombe  mabara au kombe la shirikisho katika ushindi wa mabao 3-0 dhidi ya Hispania usiku wa jana.

 Amenukuliwa akisema,
‘Mpira unaochezwa na Barcelona na kiwango cha soka wachezaji wa klabu hiyo ni dhahiri kuwa wachezaji kama Rooney wanastahili kujiunga nayo.

 NEYMAR NA MATATIZO YA SHINGO

Katika hatua nyingine Neymar ametanabaisha kuwa anakabiliwa na matatizo ya shingo na kwamba anajipanga kwa ajili ya upasuaji utakafanyika ijumaa kabla ya kufanya safari na kuelekea Barcelona.

 Amesema
'Ni tatizo ambalo nimekuwa nalo kwa muda mrefu na hivyo tunakwenda kulimaliza kwa upasuaji' 

'Wayne ni miongoni mwa wachezaji ambaowamebarikiwa kipaji na ufundi duniani. Bila shaka ataongeza ubora ndani ya Barcelona.

'Katika nafsi yangu, ningependa kucheza naye. Nimekutana naye katika matukio machache sana na anaonekana ni mtu mwema na muhimu ni miongoni mwa wachezaji ninao wazimia duniani'

Rooney ambaye wiki hii anatarajiwa kukutana na meneja mpya wa United David Moyes, amekuwa akipokea ushauri mwingi kutoka kwa Gary Neville ambaye ni mchezaji mwenzake wa zamani ndani ya Old Trafford akimtaka asaliye Old Traford.

Wayne Rooney kukutana na David Moyes wiki hii