KIMATAIFA: Galliani aomba yaishe kwa Allegri,Ilanova afurahishwa kwa kurejea Villa.

Galliani aomba yaishe kwa Allegri

Rais wa AC Milan Adriano Galiani

 Makamu wa Rais wa AC Milan Adriano Galliani jana alimpigia simu kocha wa kikosi chake Massimiliano Allegri kumtakia kheri katika simu yake ya kuzaliwa katika jaribio la kurejesha amani baina yake na kocha wa AC

Galliani aliondoka uwanjani akiwa mwenye hasira na kuonekana kuchanganyikiwa katika mchezo ambao timu yake ilifungwa kwa aibu mabao 5-1 na Real Madrid juma lililopita mchezo wa kirafiki huku akimtupia lawama kocha Allegri akimkosoa kwa mabadiliko aliyofanya katika kikosi chake kilichokuwa dimbani siku ya mchezo.

Akinukuliwa na Gazzetta dello Sport amesema

“ukicheza na Real Madrid hupaswi kufikiri ni mchezo wa kirafiki ”

“tulikuwa New York, mbele ya watazamaji waliojaza uwanja macho yote yameelekezwa kwake na wengine wakiungana kupitia luninga zao, Milan si timu inayocheza Serie D side."

  Galliani alichukizwa na Allegri kufanya maamuzi ya kubadili wachezaji tisa katika kipindi cha pili pale Yankee Stadium hata kama upande wa pili kikosi cha Jose Mourinho kikibadili wachezaji 11.

“yalikuwa ni makosa makubwa na siwezi kuvumilia hilo. I’m p****d off,”.

Kufuatia kutoa maneno hayo ya hasira (wakongo wanasema kutomboka) kwa Allegri, Bosi huyo akatoa maneno ya kumfariji Allegri na kurejesha mahusiano mazuri kwa kumtakia kheri katika siku yake ya kuzaliwa.

AC Milan inatarajia kuanza kampeni yake taji la Italia Serie A August 26 wakiwafuata Sampdoria.

 

 Ilanova afurahishwa kwa kurejea Villa

Kocha wa Barcelona Tito Vilanova

 Bosi wa Barcelona Tito Vilanova amepongeza kitendo cha mchezaji wake David Villa kurejea dimbani vizuri akiwa ni mshambuliaji ambaye amekuwa hafanyi makosa anapokuwa anapata nafasi ya kufunga na amekuwa akisubiriwa kwa muda mrefu.

Villa amekuwa nje ya uwanja tangu kuvunjika mguu katika michuano ya vilabu bingwa duniani dhidi ya Al Sadd mwezi December mwaka jana lakini jana akarejea baada ya kuingizwa katika dakika ya 73 toka katika benchi katika mchezo wa kirafiki dhidi ya Dinamo Bucharest.

Katika mchezo huo Catalans waliibuka na ushindi wa mabao 2-0 shukrani kwa magoli ya Lionel Messi na Ibrahim Afellay huku kurejea kwa mshambuliaji wa kimataifa wa Hispania Villa kukionekana kama ahueni kwa kocha Vilanova.

  Amenukuliwa Vilanova akisema

"mwaka jana tulimkosa sana kwa kuwa ni mchezaji mzuri katika kufumania nyavu ni mchezaji muhimu katika kikosi, nimeongea na daktari na wataalam wa viungo kabla ya mchezo dhidi ya Dinamo. Ni muhimu kupata wachezaji waliokuwa majeruhi kama Villa.''