MOURINHO:MSINIITE TENA 'SPECIAL ONE' NIITENI 'THE ONLY ONE'

Jose Mourinho anaamini sasa ataitwa the “Only one” badala ya the “Special One”,baada ya kuwa kufanikiwa kuwa kocha pekee kushinda mataji matatu makubwa barani ulaya.

Akiongea na kituo kimoja cha luninga nchini Ureno SIC hapo jana , Mourinho ameeleza kuwa kazi yake ya umeneja imempa tabia nyingine kabisa ya kupunguza ubinafsi na kutokuwa mtu mwenye mtazamo binafsi tena.

Amenukuliwa akisema

"mambo yamekuwa yakienda vizuri kwa upande wangu namshukuru mungu amenipa kituo . "

Nimekuwa ni mtu nianye angalia wengine zaidi siku hizi. Furaha ya kushinda nilipokuwa na Inter Milan ilikuwa ilionekana ya klabu ambayo haikushinda kwa miaka 50.

Mourinho alishinda taji la ligi kuu ya soka nchini Hispania msimu uliopita akiwa na klabu yake ya Real Madrid, lakini huko nyuma alishinda mara mbili taji la ligi ya Italia Serie A akiwa na Inter Milan.

Akiwa na Chelsea alishinda taji la ligi kuu ya Uingereza ‘Premier League’ lakini kama hiyo haitoshi akiwa na Porto alifanikiwa kushinda mara mbili taji la ligi kuu ya Ureno ‘Portuguese Liga’. Zaidi ya hapo ameshinda vilabu bingwa akiwa na Porto na Inter.

Amenukuliwa akisema

"kwangu mimi ndiye mtu pekee kushinda mataji ya ligi kubwa na mashindano makubwa muhimu. Hivyo pengine badala ya kuitwa The 'Special One', watu inabidi waanze kuniita The 'Only One',"

Bosi huyo wa sasa wa Real Madrid alipewa jina la utani la  “The Special One” akiwa nchini Uingereza akiongea na waandishi wa habari mwaka 2004 akihamia Chelsea akitokea Porto ya Ureno.

August 25 Real Madrid itaumana dhidi ya wapinzani wao wakubwa  Barcelona katika mchezo wa kuashiria kuanza kwa ligi mchezo wa Spanish Super Cup.