KIMATAIFA:Reds huenda wakauza haki ya kumiliki jina la klabu,Lahm na Podolski waondoshwa kikosini Ujerumani dhidi ya Argentina .na nyingine kibao.

Reds huenda wakauza haki ya kumiliki jina la klabu

 

Mmiliki mkuu wa Liverpool John W Henry amesema anafikiria kuuza haki inayotokana na  jina la Anfield ili kuongeza pato la klabu hiyo.

Henry pia amewataka wakuu wa Premier League kuangalia juu ya sheria ya matumizi “Financial Fair Play” akitoa lawama kwa wapinzani wa Liverpool kupuuza sheria za aina hiyo za UEFA zilizotengenezwa kujaribu kuweka usawa katika kumbukumbu za vitabu.

Mmarekani huyo ameweka wazi kuwa yeye na kundi maarufu la  Fenway Sports wanaangalia zaidi soko la nje kujaribu kusaidia kukuza kipato na kuweka nembo mpya katika nyumba mpya ya  Liverpool katika historia ambayo huenda ikawekwa katika kadi za wanachama.

amenukuliwa hayo kupitia Tomkins Times.

"Hii klabu inatakiwa kujiwezesha yenyewe kuongeza kipato chake lakini haitakuwa rahisi"

"lakini sitaki kuona hilo linafanyika katika kiwango cha kawaida kwa kipimo cha hapa nyumbani  bali kwa kiwango cha dunia.

"haki itokanayo na jina  Anfield inaweza ikaja kama marafiki watakuwa wako sawa lakini bado hatuja shawishi juu ya hilo."

Henry amesema Liverpool inataka kuwa na uwezo wa kujitegemea huku akikosoa vilabu ambavyo vimefanya matumizi makubwa .

Manchester City ilichapicha hasara ya pauni milioni £197 katika mwaka wa fedha wa 2010-11 wakati ambapo Chelsea ikiwa imesha lipa zaidi ya pauni £60 kusajili wachezaji wapya msimu huu.

UEFA inayo nguvu ya kuviondoa vilabu ambavyo vimetangaza kupata hasara ya zaidi ya euro milioni 45 ndani ya kipindi cha miaka mitatu kutokushiriki michuano ya ulaya na Henry anaweka makazo kuwa hilo linaweza kutokea kweli na kuwataka wakubwa wa Premier League kuchuakua hatua.

amenukuliwa akisema

"Katika siku za hivi karibuni nilisema nusu ya vilabu katika timu za vilabu vya ligi kuu barani ulaya vinaingia katika hasara na asilimia 20 vinapoteza kabisa uwezo wa kisheria kuendelea kusalia katika ligi.

"tuna imani waendesha ligi wenyewe wanapaswa kusimamia sheria ambazo zinaoneka kupuuzwa na vilabu ambazo pia ni sheria za UEFA, jambo ambalo kwa kiasi kikubwa linavifanya vilabu kusema kuwa kupoteza pesa ni jambo la kawaida na kuondoa maana ya adhabu hiyo ."

Liverpool huko nyuma ilikosolewa kwa kuafanya malipo ya ziada katika zoezi la uhamisho tangu FSG kuchukua klabu hiyo mwaka 2010 ambapo karibu pauni milioni £130 zilitumika lakini Henry ansema

"ni wajibu wa LFC kuwekeza barabara kwa wachezaji ili klabu hiyo isitetereke na kuwa “powerhouse."

Cristiano Ronaldo ana imani Kaka ataendelea kuwepo Real Madrid

Cristiano Ronaldo

Cristiano Ronaldo ana imani kuwa Ricaldo Kaka ahataondoka  Real Madrid msimu huu.

Kiungo huyo raia wa Brazil bado ameendelea kuhusishwa na kutaka kuelekea AC Milan

ananukuliwa Ronaldo akisema

"kuondoka au kutokuondoka ni maamuzi yake lakini nadhanio atasalia hapa".

"kwa upande wangu ni mchezaji mzuri sana duniani na wachezaji wote wazuri wanastahili kuwepo hapa Real Madrid."

Nyota huyo wa kimataifa wa Ureno kwasasa anaangalia mchezo wa ufunguzi wa msimu dhidi ya Valencia katika ligi ya Hispania La Liga na amesisitiza kuwa wanataka kuanza msimu katika kiwango cha juu.

Madrid watakuwa wenyeji wa Valencia katika mchezo utakao pigwa Santiago Bernabeu August 19.

Kagawa na Honda wamejumushwa katika kikosi cha Japan kabla ya mchezo dhidi ya Venezuela

Kikosi cha timu ya taifa ya Japan

Chama cha soka cha Japan (JFA) hii leo kimetangaza majina ya wachezaji wake wa timu ya taifa kwa ajili ya mchezo wa kirafiki dhidi ya  Venezuela jumatano ijayo mjini Sapporo.

Nusu ya wachezaji wa kikosi hicho cha wachezaji 22 players wanatokea katika ligi mbalimbali barani Ulaya isipokuwa wachezaji 11 ndio wanaotokea katika timu za ligi ya nyumbani J-League.

Yumo mchezaji mpya wa Manchester United Shinji Kagawa na nyota wa CSKA Moscow Keisuke Honda pia Ryo Miyaichi wa Arsenal lakini mlinzi Atsuto Uchida, Yuzo Kurisawa, na Yasuyuki Konno wakiachwa lakini ni tangu walivyo achwa katika kikosi cha mwezi September mwaka jana katika kuwania kufuzu kombe la dunia dhidi ya Iraq.

Japan watakuwa wenyeji wa Venezuela kule Sapporo Dome August 15.

kikosi kamili

Magolikipa: Eiji Kawashima (Standard Liege), Shunsaku Nishikawa (Sanfrecce Hiroshima), Shuichi Gonda (FC Tokyo)

Walinzi: Yuichi Komano (Jubilo Iwata), Maya Yoshida (VVV), Daiki Iwamasa (Kashima Antlers), Masahiko Inoha (Vissel Kobe), Yuto Nagatomo (Inter), Tomoaki Makino (Urawa Reds), Hiroku Mizumoto (Sanfrecce), Gotoku Sakai (Stuttgart)

Viungo: Kengo Nakamura (Kawasaki Frontale), Makoto Hasebe (Wolfsburg), Hajime Hosogai (Leverkusen), Keisuke Honda (CSKA Moscow), Hideto Takahashi (FC Tokyo), Yasuhito Endo (Gamba Osaka)

Washambuliaji: Ryoichi Maeda (Jubilo), Shinji Okazaki (Stuttgart), Kengo Fujimoto (Nagoya Grampus), Shinji Kagawa (Manchester United), Mike Havenaar (Vitesse), Ryo Miyaichi (Arsenal)

Lahm na Podolski waondoshwa kikosini Ujerumani dhidi ya Argentina

Kocha Joachim Low wa Ujerumani

Kocha wa timu ya taifa ya Ujerumani Joachim Low amefanya uchaguzi wa wachezaji wake wa kikosi cha timu ya taifa ambacho kina jumla ya wachezaji 19 ikiwa ni kwa ajili ya mchezo wa kimataifa wa kirafiki dhidi ya Argentina mchezo ambao utapigwa August 15.

Nahodha Phiipp Lahm ahatakuwepo kikosini kufuatia kuwa katika matayarisho ya kupata mtoto ndani ya kipindi cha kambi ya timu hiyo wakati ambapo wakali wa Arsenal Lukas Podolski na Per Mertesacker wakiwa katika matayarisho ya kuanza kwa msimu mpyawa ligi ambapo klabu yao ya Arsenal itafungua msimu wa ligi ya uingereza dhidi ya Sunderland August 18.

 Low amenukuliwa kupitia mtandao wa chama cha soka cha ujerumani akisema  

“Philip [Lahm] anataka kucheza lakini baada ya kuongea naye kwa njia ya simu nimeamua kumuacha kwa ajili ya mambo binafsi ya kimaisha”.

mlinda mlango wa Hoffenheim Tim Wiese naye amekatwa ikiwa sasa huenda ikawa ndio moja kwa moja kutokana na sera ya Ujerumani kutaka kuwatumia zaidi vijana na katika nafasi hiyo sasa ikiwa imemuangukia Manuel Neuer.

Toka Bayern Munich Bastian Schweinsteiger na Mario Gomez hawajajumuishwa kufuatiwa kusumbuliwa na majeraha na Low akimuingiza mshambuliaji mzoefu mmoja ambaye yuko katika kiwango kizuri Miroslav Klose toka Lazio ya italia.

Ferguson alalamikia Arsenal

 

Alex Furguson

Mkataba wa mshambuliaji wa Arsenal Robie Van Persie kutoka nchini Uholanzi mwenye umri wa miaka 29, umebaki na mda wa miezi 11 na amekataa kuongezea muda wake akichezea kwenye uwanja wa Emirates.

Sir Alex Ferguson ameiambia BBC kuwa "tumewasilisha ombi letu kwa Arsenal, lakini wao wamekua wakijaribu kujadiliana na vilabu vingine huku sisi tukisubiri. Sielewi kinachoendelea huko wala sijaweza kupata mawasiliano na viongozi wa Arsenal.

Mara ya kwanza kwa Ferguson kuonyesha nia ya klabu yake kumtaka Van Persie ilikua tareh 20 Julai, na haijafahamika kama wamezidisha kiwango cha fedha walichopendekeza wakati huo.

Inaeleweka kuwa Arsenal haipo tayari kuanza mazungumzo ya aina yoyote ikiwa upande mmoja unapendekezo la fedha lililo chini ya pauni milioni 20 za Uingereza.

"sielewi mawazo ya Arsenal kwa sababu hawajatoa ishara yoyote," Aliwambia wandishi wa habari baada ya mechi ya kirafiki dhidi ya Barcelona mjini Gothenburg mnamo siku ya Jumatano, iliyomalizka kwa 0-0 kabla ya Barca ishindwa kwa 2-0 kupitia mikwaju ya peneti.

Ni vigumu kuelewa jinsi Arsenal inavyoendesha biashara, alizidi kulalamika Ferguson. Sina maelezo zaidi ya kuwafahamisha. Itabidi tuendelea kuwa na subira.

Robin Van Persie kwa wakati huu yuko na kikosi cha Arsenal kwenye ziara ya Ujerumani ambako watacheza mechi ya kirafiki. Meneja wa Arsenal, alisema hivi karibuni kua atajitahidi kuona kua mshambuliaji wake bora anabaki kuichezea Arsenal.

Wakati huo huo, Ferguson alikiri kua alipata kizunguzungu aliposikia kua shabaha yake ya pili Lucas Moura amekubali kujiunga na klabu ya Ufaransa Paris St-Germain. Mchezaji huyo aliyeiwakilisha Brazil kwenye mashindano ya Olimpiki mjini London, atatiunga na PSG mnamo mwezi Januari 2013 kwa mkataba wa miaka minne na nusu kutoka Sao Paulo. Ferguson aliongeza kusema, PSG wamemsajili Thiago Silva na Zlatan Ibramovic, huenda wametumia hadi pauni milioni 150 mwezi uliopita tu.